Tajruh
u ħallewh hemm– għal riħu...
jonfoħ ruħu mżiffna fl-għabra fgata
ggranfata ma' snienu,
fix-xemx ikkargata ta' waranofsinhar.
Tajruh
u ħallewh hemm– mixrub min-nixfa;
qasam riħ u ma ndunawx
ħlief għall-iskoss u l-ħoss t'għadmu mirkub.
Tajruh
u ħallewh mgħattan mil-longa mħeddla,
Mitluf min-nifs fin-nixfa tar-riħ jokrob,
sakemm reġgħu tajruh u
ħallewh hemm–
sakemm ħa lewn it-trab
u għadmu mqarqaċ ħadu r-riħ u nefħu miegħu
bla mistriħ.
No comments:
Post a Comment